რუსული სპორტული გამოცემის, Championat-ის ინფორმაციით, საქართველოს ნაკრების და ესპანური "ბასკონიას" ლიდერი თორნიკე შენგელია დიდი ალბათობით "ცსკაში" გადავა. გამოცემის ცნობით, არმიულ კლუბში ქართველის მოხვედრა დროის ამბავია. "ცსკაში" თორნიკეს გარდა ისეთი კალათბურთელების გადაბირება სურთ, როგორებიც "ფენერბახჩეს" გამთამაშებელი კოსტას სლუკასი, ჩინური "პეკინის" ცენტრი ეკპე იუდო არიან.
