ყოველწლიურ ტრადიციულ დაჯილდოებაზე (GFF AWARDS 2020) საქართველოს ფეხბურთის ფედერაციამ 2020 წლის სეზონის საუკეთესო გოლის ავტორი დაასახელა.
მიმდინარე წლის საუკეთესო ქართული გოლი ღია გამოკითხვით შეირჩა. გულშემატკივართა ხმების უმეტესობა საქართველოს ნაკრებისა და „ლანჩხუთის“ თავდამსხმელის, ხატია ჭყონიას გოლმა დაიმსახურა, რომელიც მან უეფა-ს ჩემპიონთა ლიგაზე რუმინულ „კლუჟს“ გაუტანა.
2020 წლის საუკეთესო ქართული გოლის ნომინანტებად წარდგენილები იყვნენ ფეხბურთელები, რომლებმაც ბურთები გაიტანეს ეროვნულ ლიგაში, საქართველოს ნაკრებში, ფუტსალის ნაკრებში, ქალთა საფეხბურთო კლუბის სახელით, ევროთასებზე, ასევე მოყვარულთა ჩემპიონატზე გატანილი გოლები. ხატია ჭყონიას გარდა, კიდევ ცხრა ნომინანტი იყო.
