NASA-მ და იაპონიამ, მთვარის შესწავლის მიზნით, Artemis-ის პროგრამაზე ერთობლივად მუშაობის შესახებ შეთანხმებას მოაწერეს ხელი. ამის შესახებ განცხადებას NASA აქვეყნებს.
შეთანხმების თანახმად, იაპონია შეერთებულ შტატებს კოსმოსური სადგურის Gateway-ის შექმნაში დაეხმარება, რომელიც ე.წ. „გადაცემის წერტილის“ ფუნქციას შეასრულებს და კოსმოსურ ხომალდებს დედამიწიდან მარსამდე გაფრენაში დაეხმარება.
აპრილში აშშ-ს პრეზიდენტმა დონალდ ტრამპმა ხელი მოაწერა ბრძანებას მთვარის პროგრამის განახლების შესახებ, რომლის ფარგლებშიც NASA 2021 წელს მთვარეზე სატვირთო მისიებს გაგზავნის, ხოლო 2024 წლისთვის კი ასტრონავტები დაეშვებიან.
NASA-მ შემოიღო მთვარის საერთაშორისო კვლევითი სტანდარტები, რომელიც საშუალებას აძლევს ქვეყნებს ითანამშრომლონ და შექმნან "უსაფრთხო ზონები" მთვარის ბაზების გარშემო.