ჯანდაცვის მსოფლიო ორგანიზაციის მონაცემებით, ბოლო ერთ კვირაში მსოფლიოში კორონავირუსის ახალი შემთხვევების რაოდენობა 5,2 მილიონით გაიზარდა.
ჯანმო-ს ცნობით, მიმდინარე კვირაში მსოფლიოში ვირუსს 83 000 ადამიანი ემსხვერპლა.
ამასთან, როგორც ჯანდაცვის მსოფლიო ორგანიზაციის მიერ გამოქვეყნებულ მონაცემებშია აღნიშნული, COVID-19-ის ყველაზე მეტი ახალი შემთხვევა სამხრეთ-აღმოსავლეთ აზიის რეგიონში დაფიქსირდა.
ბოლო კვირის განმავლობაში ყველაზე მეტი ახალი შემთხვევა გამოვლინდა ინდოეთში, სადაც ეს მაჩვენებელი 64 პროცენტითაა მომატებული.
მეორე ადგილზეა აშშ 477 000-ზე მეტი ახალი შემთხვევით, მესამეზეა ბრაზილია, სადაც ბოლო ერთ კვირაში 459 000-ზე მეტი ახალი ინფიცირებული აღრიცხეს.
ევროპაში ახალი შემთხვევების რიცხვი არ გაზრდილა.