ინდოეთში კერალას 104 წლის მკვიდრმა, სახელად კუტიამამ, დაწყებითი სკოლის სახელმწიფო საგამოცდო მინიმუმი ჩააბარა. ინფორმაციას The Times of India ავრცელებს.
მისმა მასწავლებელმა, ადგილობრივმა მცხოვრებმა, რეჰნა ჯონმა განაცხადა, რომ მას ხმამაღლა საუბარი უწევდა, რადგან კუტიამას, ასაკის გამო, სმენასა და მხედველობასთან დაკავშირებული პრობლემები განუვითარდა, მაგრამ ამან მისი ენთუზიაზმი ვერ შეაჩერა.
"ცოდნის მიღებისთვის ასაკი შემაფერხებელი არ არის. უღრმესი პატივისცემა კუტიამას“, - დაწერა განათლების ადგილობრივმა მინისტრმა Twitter-ზე.
