117 წლის ქალმა, რომელიც თურქეთში ქალაქ იალოვას რაიონში ცხოვრობს, თურქეთის შეიარაღებულ ძალებს 115 წყვილი ნაქსოვი წინდა გადასცა. ამის შესახებ ინფორმაციას თურქეთის ეროვნული თავდაცვის სამინისტრო ავრცელებს.
ხელით შესრულებული ნამუშევარი იმ ბაზის სამხედრო პირებს გადაეცათ, რომლებსაც სამუშაოს შესრულება რთულ ამინდში უწევთ. ჯარისკაცებს ბებიის წერილიც წაუკითხეს, სადაც იგი მხარს უჭერს და ლოცავს მათ.
სამხედროები რეგიონში ტერორისტული ორგანიზაციის წინააღმდეგ თავიანთ საქმიანობას თბილ ნაქსოვ წინდებში განაგრძობენ.
თურქეთის ეროვნულმა თავდაცვის სამინისტრომ ბებიას განსაკუთრებული მადლობა გადაუხადა. მას ჯანმრთელობა და ბედნიერება უსურვა.
