2020 წელს Android-ის მომხმარებლებმა ტელეფონში ერთი მეოთხედით მეტი დრო გაატარეს, ვიდრე წინა წლებში. ამის შესახებ რესურსი The next web იუწყება.
სპეციალისტების თქმით, კორონავირუსის პანდემიის შედეგად ადამიანები თავიანთ გაჯეტებზე უფრო მეტ დროს ხარჯავენ. კვლევამ აჩვენა, რომ მატება, პირველ რიგში, კომუნიკაციისა და დისტანციური მუშაობის პროგრამების პოპულარობის ზრდას უკავშირდება.
ანალიტიკოსების თქმით, 2021 წელს ეს ტენდენცია შენარჩუნდება და მომხმარებლები დისტანციური კომუნიკაციისთვის უფრო მეტ პროგრამას გამოიყენებენ. სავარაუდოდ, ვაქცინების არსებობის მიუხედავად, დამსაქმებლები მუშაობის დისტანციურ რეჟიმს შეინარჩუნებენ.
კვლევის თანახმად, Android აპლიკაციების ინსტალაციების საერთო რაოდენობამ 90 მილიარდს გადააჭარბა. აქედან თამაშების წილმა 45% შეადგინა.
