კრისტის აუქციონზე 67 მილიონი წლის ტირანოზავრის ჩონჩხი რეკორდულ ფასად გაიყიდა. აუქციონის სახლმა ვაჭრობის ახალი მსოფლიო რეკორდი დაამყარა. ახალ მფლობელმა ტირანოზავრში სახელად სტანი 31 847 500 დოლარი გადაიხადა.
მრავალმილიონად გაყიდული რელიქტი დინოზავრების ერთ-ერთი ყველაზე კარგად შემონახული ნიმუშია. ჩონჩხი 188 ძვლისგან შედგება. მისი კბილების სიგრძე 27 სანტიმეტრი იყო. სტანის ჩონჩხი აშშ-ში, სამხრეთ დაკოტაში, მოყვარულმა პალეონტოლოგმა სტენ სეკრისონმა აღმოაჩინა.
