ავსტრალიაში, 8 სულიანი ოჯახი, რომელთაგან 4 ბავშვი იყო, ზღვაში კატამარანით მგზავრობისას დახრჩობას სასწაულით გადაურჩა. ბავშვებს შორის ერთი 8 თვის ჩვილი იყო. ინფორმაციას 7NewsSydney აქვეყნებს.
ოჯახი 6 დღიანი კემპინგისთვის ბანაკში მიცურავდა. ნაპირიდან 110 კილომეტრის დაშორებით, მოულოდნელად ძრავა გაფუჭდა და კატამარანმა ჩაძირვა დაიწყო. ოჯახი საკმაოდ მომზადებული იყო მსგავსი სიტუაციისთვის, თუმცა მაინც დიდი რისკის წინაშე აღმოჩნდნენ. მშობლებმა სანაპირო დაცვას განგაშის სიგნალი გაუგზავნეს და თავიანთი კოორდინატები მიაწოდეს, თუმცა, პრობლემა ის იყო, რომ გასაბერ ნავში მხოლოდ ბავშვები მოთავსდნენ. ჩვილი გამუდმებით ტიროდა და მოგვიანებით ჩაეძინა. მშობლებს ჯერ დაზიანებულ ნავში დარჩენა მოუწიათ, შემდეგ კი ჩაძირული ნავის კიდეზე ჩამოკიდებულები, მაშველებს წყალში უცდიდნენ.
ოჯახის გადასარჩენად ადგილზე ვერტმფრენი გაგზავნეს და ოჯახი უვნებლად გადაარჩინეს. საბედნიეროდ ყველაფერი მშვიდობიანად დასრულდა და მამამ ვიდეოს გადაღებაც მოახერხა, სადაც იხუმრა კიდეც, რომ ნავის ჩაძირვისას ლუდის მთელი მარაგი დაკარგეს.
A family of eight is lucky to be alive, saved from their sinking catamaran off the Queensland coast. Four children were rescued, including an eight-month-old baby. Their parents forced to tread water as they waited for help. https://t.co/5Cr2gkdB6x @ebatten7 #7NEWS pic.twitter.com/rJK6A2UKGk
— 7NEWS Sydney (@7NewsSydney) September 18, 2020
მედეა ცხოვრებაძე
ავტორი