ახალი, უფრო საშიში ვირუსი გაჩნდება, რომელიც უფრო მომაკვდინებელი იქნება, - ამის შესახებ ამის შესახებ ჯანდაცვის მსოფლიო ასამბლეის 74-ე სეზიაზე გამოსვლისას ჯანდაცვის მსოფლიო ორგანიზაციის ხელმძღვანელმა, ტედროს ადანომ გებრეისუსმა განაცხადა.
მისი თქმით, ის COVID-19-ზე უფრო საშიში იქნება.
"ეს ბოლო შემთხვევა არ არის, როდესაც მსოფლიო პანდემიის საშიშროების წინაშე დადგა. ევოლუციური შეფასებით, გაჩნდება ახალი ვირუსი, რომელიც პოტენციურად უფრო ინფექციური და მომაკვდინებელი იქნება, ვიდრე ამჟამინდელი ვირუსი", - განაცხადა მან.
ჯანდაცვის მსოფლიო ორგანიზაციის დირექტორმა ხაზი გაუსვა, რომ სხვადასხვა დაავადებების წინააღმდეგ ბრძოლაში "მსოფლიოს უსაფრთხოების შენარჩუნებისთვის" ყველა სახელმწიფოს ჩართვაა აუცილებელი.
მისი აზრით, ”პანდემიის მთავარი მამოძრავებელი” საერთაშორისო სოლიდარობის არარსებობაა.
Worldometers-ის მონაცემებით, მსოფლიოში 24 მაისისთვის, პანდემიის დასაწყისიდან დღემდე სულ კორონავირუსის 167,602,538 შემთხვევა დაფიქსირდა, საიდანაც 3,479,991 ფატალური შედეგით დასრულდა, ხოლო COVID-19-ისგან 148,645,844 ადამიანი გამოჯანმრთელდა.
