გაერო-ს მსოფლიო მეტეოროლოგიური ორგანიზაციის (WMO) ექსპერტებმა განაცხადეს, რომ ამინდის გაუმჯობესება და დათბობა კორონავირუსის წინააღმდეგ სიფხიზლის შესუსტების საშუალებას არ იძლევა.
"SARS-CoV-2 ვირუსის ლაბორატორიულმა კვლევებმა, რომელიც იწვევს COVID-19-ს, წარმოადგინა რამდენიმე მტკიცებულება იმის შესახებ, რომ ვირუსი უფრო დიდხანს ცოცხლობს ცივ, მშრალ პირობებში და დაბალი ულტრაიისფერი გამოსხივების დროს. ამასთან, ამ კვლევებმა ჯერ კიდევ არ აჩვენა, რომ მეტეოროლოგიური ფაქტორები ვირუსის გადაცემის სიჩქარეზე პირდაპირ გავლენას ახდენს", - ნათქვამია ორგანიზაციის განცხადებაში.
სპეციალისტების თქმით, წინასწარი მონაცემებით, ჰაერის ცუდი ხარისხიCOVID-19-ით სიკვდილიანობას ზრდის, მაგრამ ვირუსის გავრცელებაზე გავლენას არ ახდენს.
