აზერბაიჯანის პრეზიდენტმა ილჰამ ალიევმა და ბელორუსის პრეზიდენტმა ალექსანდრე ლუკაშენკომ ბაქოში 13 აპრილს არაფორმალური შეხვედრა გამართეს.
მოლაპარაკებები ხუთ საათს გაგრძელდა.
აზერბაიჯანული მედიის ინფორმაციით, ალექსანდრე ლუკაშენკო შეხვედრაზე ბაქოში ჩასვლისთანავე მივიდა. არაფორმალური მოლაპარაკებები შუაღამემდე გაგრძელდა.
ბელორუსის პრეზიდენტის პრესსამსახურის ცნობით, ქვეყნების მეთაურებმა ”ბელორუს-აზერბაიჯანის ურთიერთობების ძირითადი მიმართულებები და ორმხრივი თანამშრომლობის სტრატეგიულ საკითხები” განიხილეს.
დღეს ილჰამ ალიევი და ალექსანდრე ლუკაშენკო ოფიციალურ მოლაპარაკებებს გამართავენ.
