კოლუმბიელმა და ბრიტანელმა არქეოლოგებმა ამაზონის ჯუნგლებში უნიკალური ქვის კედელი აღმოაჩინეს. ამის შესახებ Guardian წერს.
ბუნებრივი წარმოშობის ქვის კედელზე, რომლის სიგრძე 15 კილომეტრზე მეტია, საოცრად შენარჩუნებული და დიდი მხატვრული ხარისხის მქონე ნახატებია დატანებული. მეცნიერებმა აღმოჩენას უძველესი კაცობრიობის "სიქსტეს კაპელა" უწოდეს.
არქეოლოგების ვარაუდით, ნახატები დაახლოებით 12,5 ათასი წლისაა. მათზე გამოსახულია გამყინვარების ხანის, ახლა უკვე გადაშენებული ცხოველები, მაგალითად მასტოდონტი - სპილოს პრეისტორიული ნათესავი, რომელიც სამხრეთ ამერიკაში მინიმუმ 12000 წლის წინ გადაშენდა.
ასევე კედელზე გამოსახულია პალეოლამა - გადაშენებული აქლემი, ასევე გიგანტური ზარმაცები და გამყინვარების პერიოდის ცხენები, თევზები, ხვლიკები და ფრინველები. გამოსახულებებს შორისა მოცეკვავე ადამიანები, ასევე ცალკეული სილუეტი ჩიტის ფორმის ნიღბით ნიღბით.
არქეოლოგების აზრით, უძველესი "სიქსტეს კაპელის" შესწავლას ათწლეულები დასჭირდება.
