აშშ-ში, ტეხასში კეიზი გარსიამ საკუთარი შვილის ტანისამოსი გადაიცვა და მის ნაცვლად, მთელი დღე სკოლაში გაატარა. ამის შესახებ საინფორმაციო სააგენტო Insider წერს.
გარსიამ მთელი თავისი დღე ვიდეოთი გადაიღო. მას სურდა დაემტკიცებინა, რამდენად ცუდად არის მოსწავლეების უსაფრთხოება დაცული საგანმანათლებლო იმ დაწესებულებაში, სადაც მისი ქალიშვილი სწავლობს.
ვიდეოს ინტერნეტში გამოქვეყნების შემდეგ ქალს პოლიციამ მიაკითხა. იგი დააკავეს და წინასწარი დაკავების იზოლატორში გადაიყვანეს.
