ამსტერდამში, გაყინულ წყლის არხზე ხალხური დღესასწაულების დროს, ადამიანებს ყინული ჩაუტყდათ და წყალში ჩაცვივდნენ. შემთხვევა ვიდეოკადრებმა დააფიქსირა. კადრებში ჩანს, რომ მოციგურავე მამაკაცს, რომელიც ილეთის შესრულებას ცდილობდა, ყინული ჩაუტყდა. ამასთან, მას დაზიანება არ მიუღია და სიკვდილს გადაურჩა.
"ჩვენ ვნახეთ, თუ როგორ გაიბზარა ყინული და როგორ ჩავარდა მამაკაცი წყალში. თუმცა, ამ ინციდენტმა ამსტერდამის მოქალაქეები არ შეაჩერა, მათ ყინულზე სრიალი და გართობა გააგრძელეს", - ამბობს თვითმხილველი.
მისივე თქმით, ქალაქის მაცხოვრებლები გააფრთხილეს, რომ არხებზე ყინული არ არის საკმარისად ძლიერი და მასზე სრიალი ძალიან საშიშია.
