ამსტერდამში, კორონავირუსთან დაკავშირებული შეზღუდვების საწინააღმდეგო აქციაზე, რომელიც პოლიციასთან დაპირისპირებასა და არეულობაში გადაიზარდა, სულ მცირე, 190 ადამიანი დააკავეს.
ნიდერლანდების დედაქალაქსა და ეინდჰოვენში პოლიციამ მომიტინგეების დასაშლელად წყლის ჭავლი ხელკეტები და ცრემლსადენი გაზი გამოიყენა.
21 საათზე კომენდანტის საათის დაწყების შემდეგ ამსტერდამისა და ეინდჰოვენის ქუჩებში გამართული საპროტესტო მსვლელობა სამართალდამცავებთან დაპირისპირებაში გადაიზარდა. აქციის მონაწილეები პოლიციელების მიმართულებით ქვებს და ფოიერვერკებს ისროდნენ, დაამსხვრიეს მაღაზიის ვიტრინები.
ნიდერლანდებში ღამის საათებში ე.წ. კომენდანტის საათი მეორე მსოფლიო ომის შემდეგ პირველად დაწესდა.
