გერმანიის მმართველი ქრისტიან-დემოკრატიული კავშირის ლიდერმა ანეგრეტ კრამპ-კარენბაუერმა განაცხადა, რომ მომავალში კანცლერის თანამდებობაზე პრეტენზია აღარ ექნება. ინფორმაციას ამის შესახებ გამოცემა "Spiegel" ავრცელებს.
ქრისტიან-დემოკრატიული კავშირის პრეზიდიუმის სხდომაზე კრამპ-კარენბაუერმა განაცხადა, რომ ის მომავალი წლის ფედერალურ არჩევნებში მონაწილეობას არ აპირებს.
ანეგრეტ კრამპ-კარენბაუერს ანგელა მერკელის შემცვლელად განიხილავდნენ.
გარდა ამისა, ის ქრისტიან-დემოკრატიული კავშირის თავმჯდომარის პოსტის დატოვებას გეგმავს.
მედია წერს, რომ ანგელა მერკელმა ქრისტიან-დემოკრატიული კავშირის ლიდერს მადლობა გადაუხადა და და სთხოვა, რომ ის თავდაცვის მინისტრად დარჩეს.
ანეგრეტ კრამპ-კარენბაუერმა ქრისტიან-დემოკრატიული კავშირის თავმჯდომარის პოსტზე ანგელა მერკელი 2018 წლის დეკემბერში შეცვალა.