ჰაერის უჩვეულოდ მაღალი ტემპერატურის გამო, ანტარქტიდას ახალი, გიგანტური აისბერგი გამოეყო. აისბერგის ფართობი, საერთო ჯამში, 1 270 კვადრატულ კილომეტრს აღწევს, რაც მანჰეტენის სიდიდეს 20-ჯერ აღემატება. წერს გამოცემა LiveScience.
ბზარი მყინვარზე 10 წელზე დიდი ხნის წინ გამოჩნდა. 26 თებერვალს ბზარი რამდენიმე ასეული მეტრით გაფართოვდა, რამაც აისბერგის ჩამოყალიბება გამოიწვია.
ბრიტანეთის ანტარქტიდის კვლევის ცენტრში აცხადებენ, რომ აისბერგის გადაადგილებას მუდმივად აკონტროლებენ. მეცნიერების განცხადებით, შესაძლოა ის კონტინენტს სრულად მოშორდეს ან მის მახლობლად დარჩეს.
მანამდე. ყველაზე დიდი ზომის აისბერგი ანტარქტიდას 2019 წლის ოქტომბერში მოსწყდა. ყინულის ფართობი 1636 კვადრატულ კილომეტრს შეადგენდა.
