თავისი საჰაერო სივრცის დასაცავად არგენტინა მრავალფუნქციური ავიაგამანადგურებლების შეძენას გეგმავს, რომელთა საერთო ღირებულება 664 მილიონი აშშ დოლარია. ინფორმაციას ამის შესახებ სააგენტო Reuters ავრცელებს.
ინფორმირებულმა წყარომ არგენტინის თავდაცვის სამინისტროში განაცხადა, რომ ამჟამად ჩინეთის, შეერთებული შტატების, რუსეთის ფედერაციის, სამხრეთ კორეის ან ისრაელის სამხედრო თვითმფრინავების შეძენის შესაძლებლობა განიხილება.
"პროცესი ხუთი ალტერნატივის ტექნიკური, ეკონომიკური და ფინანსური შეფასების ეტაპზე არის", - განაცხადეს თავდაცვის სამინისტროში.
