მონღოლეთში არქეოლოგებმა უძველესი ხუნუს იმპერიის დედაქალაქის, ქალაქ ლუნჩენის, იგივე დრაკონის ქალაქის ნანგრევებს მიაკვლიეს. ამის შესახებ ინფორმაციას ადგილობრივი მედია ავრცელებს.
გამოცემა აღნიშნავს, რომ არხანგაის აიმაკის ტერიტორიაზე უძველესი ცივილიზაციის დედაქალაქის არსებობას მეცნიერები წლების განმავლობაში ვარაუდობდნენ, თუმცა, ფინანსური კრიზისის გამო, არქოლოგიური სამუშაოების დაწყება მხოლოდ წელს გახდა შესაძლებელი.
ისტორიკოსების ცნობით, ხუნუს მომთაბარე ტომები აზიის მდელოზე ძვ. წ. III საუკუნიდან I საუკუნემდე ბინადრობდნენ. ძვ. წ. 209 წელს, მოდუშანიუს ხელმძღვანელობით იმპერია შექმნეს. იმპერიამ დაახლოებით სამი საუკუნის განმავლობაში იარსება.
