აშშ-ს სამხედრო კიბერნეტიკული ქვედანაყოფები საინფორმაციო ომის ტაქტიკაზე მუშაობენ, რომელიც რუსი მაღალჩინოსნების წინააღმდეგ იქნება მიმართული, თუკი მომავალ წელს მოსკოვი აშშ-ს არჩევნებში ჩარევას ეცდება. ინფორმაციას ამის შესახებ "Washington Post" ავრცელებს.
საკუთარ წყაროებზე დაყრდნობით გამოცემა აცხადებს, რომ აშშ-ს კიბერქვედანაყოფები რუსეთის უმაღლესი ხელმძღვანელობის პირად მონაცემებზე შეტევას განახორციელებს, თუკი ჩარევა არ შეწყდება. თუმცა, სავარაუდო სამიზნეს სიაში რუსეთის პრეზიდენტი, ვლადიმერ პუტინი არ იქნება, ვინაიდან, აშშ-ს მაღალჩინოსნების თქმით, ეს ღია პროვოკაციად ჩაითვლება.
