აშშ-ის თავდაცვის მდივნის, მარკ ესპერის განცხადებით, შეერთებული შტატები წლის ბოლომდე ავღანეთში სამხედრო კონტიგენტის შემცირებას გეგმავს. 2020 წლის ნოემბრისთვის ავღანეთში 5 000-ზე ნაკლები ამერიკელი სამხედრო დარჩება. ამის შესახებ Reuters იუწყება.
ამჟამად ავღანეთში 8,600 ამერიკელი სამხედროა. მანამდე, აშშ-ის პრეზიდენტმა, დონალდ ტრამპმა სატელევიზიო ინტერვიუში განაცხადა, რომ ავღანეთში ამერიკელი სამხედროების 4,000-მდე შემცირებას გეგმავს.