აშშ, დიდი ბრიტანეთი და ავსტრალია უსაფრთხოების სფეროში სამმხრივ პარტნიორობას ქმნიან, რომელიც ჩინეთისადმი წინააღმდეგობის გასაწევად იქნება მიმართული. ინფორმაციას The Guardian ავრცელებს.
ინიციატივის სახელწოდებაა Aukus.
ბრიტანეთის პრემიერ-მინისტრის, ბორის ჯონსონის თქმით, ისინი "ბუნებრივი მოკავშირეები" იყვნენ, მიუხედავად იმისა, რომ "გეოგრაფიულად, შესაძლოა, გაყოფილები იყვნენ".
"ალიანსი უსაფრთხოების სფეროში ახალ პარტნიორობას შექმნის და ახალი სამუშაო ადგილების შექმნასა და კეთილდღეობას შეუწყობს ხელს", - განაცხადა ჯონსონმა.
საზღვაო ტექნოლოგიების სფეროში თანამშრომლობის გარდა, პარტნიორობა მოიცავს რეგიონული პოლიტიკისა და ქმედებების უფრო მჭიდრო კოორდინაციას, ასევე სამი მოკავშირის შეიარაღებული ძალებისა და თავდაცვის მრეწველობის უფრო მეტ ინტეგრაციას.
