ამერიკის შეერთებული შტატები გმობს რუსეთის ახალ აგრესიას უკრაინის წინააღმდეგ და პრეზიდენტ ვლადიმერ ზელენსკის სამშვიდობო ძალისხმევას მხარს უჭერს. ამის შესახებ „ტვიტერის“ საკუთარ გვერდზე სახელმწიფო დეპარტამენტის პრესმდივანმა, მორგან ორტაგუსმა დაწერა.
“აშშ, პარტნიორებთან და მოკავშირეებთან ერთად, გმობს რუსეთის მიერ უკრაინის წინააღმდეგ განხორციელებულ მორიგ აგრესიას. ჩვენ მხარს ვუჭერთ პრეზიდენტ ზელენსკის @ZelenskyyUA’s ძალისხმევას მშვიდობის საქმეში და მოვუწოდებთ რუსეთს შეასრულოს მინსკის შეთანხმება ცეცხლის შეწყვეტის თაობაზე", - წერს ორტაგუსი.
The United States stands with its partners and allies in condemning Russiaâs latest aggression against Ukraine. We support President @ZelenskyyUAâs commitment to peace and call on Russia to immediately implement the ceasefire it signed on to in the Minsk agreements. https://t.co/HpT3RzqpE4
— Morgan Ortagus (@statedeptspox) February 19, 2020
უკრაინის წინააღმდეგ განხორციელებული აგრესია დაგმო ევროკავშირის 5 წევრმა ქვეყანამაც. მათ ოფიციალური კიევის მხარდამჭერი ერთობლივი განცხადება გაავრცელეს.
შეგახსენებთ, გუშინ უკრაინის შეიარაღებული ძალების გენერალური შტაბის უფროსმა, რუსლან ხომჩაკმა უშიშროებისა და თავდაცვის საბჭოს საგანგებო სხდომის შემდეგ გამართულ ბრიფინგზე განაცხადა, რომ უკრაინელმა სამხედროებმა უკანონო შეიარაღებული ფორმირებების შეტევა მოიგერიეს.
მედეა ცხოვრებაძე
ავტორი