აშშ-ის 2020 წლის საპრეზიდენტო არჩევნებში გამარჯვება "დემოკრატმა" ჯო ბაიდენმა მოიპოვა.
ამ დრომდე, ბაიდენსა და "რესპუბლიკელ" დონალდ ტრამპს შორის დაძაბული ბრძოლა მიმდინარეობდა. გამარჯვებისთვის პრეზიდენტობის კანდიდატს კოლეგიის ხმების უმრავლესობა - სულ ცოტა, 270 ხმა სჭირდება, ჯო ბაიდენმა კი 284 ხმა დააგროვა და ამერიკის რიგით 46-ე პრეზიდენტი გახდა.
"რესპუბლიკელი" დონალ ტრამპისათვის ხმის მიმცემ დელეგატთა რაოდენობამ კი 214 შეადგინა. ხმების დათვლის პროცესი გრძელდება, თუმცა არსებული სხვაობის დაფარვა უკვე შეუძლებელია.
აშშ-ის ისტორიაში პირველად, ვიცე-პრეზიდენტის თანამდებობას სამხრეთ აზიელი ქალი - კამალა ჰარისი დაიკავებს.
შეერთებული შტატების ახალი პირველი ლედი ჯო ბაიდენის მეუღლე, ჯილ ბაიდენია.
BREAKING: JOE BIDEN WINS
— CNN (@CNN) November 7, 2020
Joe Biden will be the 46th president of the United States, CNN projects, after a victory in Pennsylvania puts the Scranton-born Democrat over 270 https://t.co/g5ahxZ3Zcu #CNNElection pic.twitter.com/4bVHYENaaT