აშშ-ის ადმინისტრაცია ვაქცინის მესამე დოზით აცრაზე მორატორიუმის გამოცხადებას მხარს არ უჭერს.
თეთრი სახლის ოფიციალური წარმომადგენლის, ჯენ ფსაკის განცხადებით, ეს არასწორი არჩევანია.
"ჩვენ ნამდვილად მივიჩნევთ, რომ ეს არასწორი არჩევანია. შეერთებულ შტატებს ვაქცინების საკმარისი მარაგი აქვს, რათა დოზების საზღვარგარეთ გაგზავნა გააგრძელოს და ამასთანავე უზრუნველყოს, რომ ყველა ამერიკელი სრულად აცრილი იყოს", - განაცხადა ჯენ ფსაკიმ.
ცნობისთვის, ჯანდაცვის მსოფლიო ორგანიზაცია მდიდარ ქვეყნებს მოუწოდებს, კოვიდვაქცინის მესამე დოზის გამოყენებაზე სექტემბრის ბოლომდე მორატორიუმი გამოაცხადონ.
