ამერიკის შეერთებული შტატების სახელმწიფო მდივანი ენტონი ბლინკენი ვაშინგტონში უკრაინის საგარეო საქმეთა მინისტრს, დმიტრი კულებას შეხვდება. ამერიკული დიპლომატიის ხელმძღვანელის განრიგი სახელმწიფო დეპარტამენტმა გაავრცელა.
ამ ინფორმაციის თანახმად, შეხვედრა ადგილობრივი დროით 14:30 საათზე იგეგმება. დამატებითი დეტალები ჯერჯერობით უცნობია.
მანამდე კულება და საპრეზიდენტო ოფისის ხელმძღვანელი ანდრიეი ერმაკი ვაშინგტონში ჩავიდნენ, რათა აშშ-ში უკრაინის ლიდერის, ვოლოდიმირ ზელენსკის პირველი ვიზიტი მოამზადონ. 4 ივნისს ისინი ეროვნული უსაფრთხობის საკითხებში აშშ-ის პრეზიდენტის მრჩეველს , ჯეიკ სალივანს შეხვდნენ.
მანამდე ცნობილი გახდა, რომ აშშ-ის პრეზიდენტი, ჯო ბაიდენი უკრაინელ კოლეგას თეთრ სახლში 30 აგვისტოს უმასპინძლებს.