აშშ-ში, სან-ფრანცისკოს სასამართლოს ნაფიცმა მსაჯულებმა LinkedIn-სა და Dropbox-ზე ჰაკერულ თავდასხმაში ბრალდებული რუსი ჰაკერი, ევგენი ნიკულინი დამნაშავედ ცნეს. ამის შესახებ Bloomberg იუწყება.
30 წლის ევგენი ნიკულინი 2016 წელს პრაღაში დააკავეს, საიდანაც ჩეხეთის მთავრობის გადაწყვეტილებით აშშ-ში გადაიყვანეს. ნიკულინს ბრალად ედება, Linkdin-ისა და Dropbox-ის სისტემაში შეღწევა და მილიონობით ადამიანის პირადი მონაცემების მოპარვა.
ნიკულინის საქმეზე საბოლოო სასამართლო განხილვა მიმდინარე წლის 29 სექტემბერს გაიმართება.