კერძო ამერიკულმა კომპანიამ RMS Titanic Inc. სასამართლოსგან ნებართვა მიიღო, რომ ჩაძირული "ტიტანიკიდან" "მარკონის" ფირმის უკაბელო ტელეგრაფი წყლიდან ამოიღოს. ამის შესახებ ინფორმაციას Sky News ავრცელებს.
რადისტები ჯეკ ფილიპსი და ჰაროლდ ბრაიდი განგაშის სიგნალებს სწორედ ამ აპარატურით აგზავნიდა, როდესაც ხომალდი აისბერგს დაეჯახა და ჩაძირვა დაიწყო.
მოსამართლე რებეკა ბიჩ სმიტმა აღიარა, რომ ტელეგრაფის აპარატი ისტორიულ და კულტურულ ღირებულებას წარმოადგენს. თუკი მას ზედაპირზე არ ამოიტანენ, მას განადგურება ემუქრება.
