აშშ სამხრეთ აფრიკიდან და კიდევ შვიდი სამხრეთაფრიკული ქვეყნიდან ავიამიმოსვლას ზღუდავს. ორშაბათიდან კონტინენტთაშორისი ფრენებით მხოლოდ ამერიკის მოქალაქეები ისარგებლებენ.
გადაწყვეტილებას წინ ევროკავშირის ქვეყნების განცხადება უძღოდა, რომლებმაც ასევე შეაჩერეს სამხრეთ აფრიკასთან საჰაერო მიმოსვლა. კანადა იგივე გადაწყვეტილები მიღებას აპირებს.
მსოფლიო ჯანდაცვის ორგანიზაცია აცხადებს, რომ კორონავირუსის ახალი შტამი "ომიკრონი" განსაკუთრებით საშიში და შემაშფოთებელია.
ფრენები სამხრეთ აფრიკიდან, ბოცანადან, ზიმბაბვე, ნამიბია, ლესოთო, სვაზილენდი, მოზაბიკი და მალავიდან ორშაბათს შეჩერდება. აშშ-ს პრეზიდენტმა ჯო ბაიდენმა განაცხადა, რომ გადაწყვეტილება აუცილებლობითაა გამოწვეული და მას შემდეგ შერბილდება, რაც კორონავირუსის ახალი ვარიანტის შესახებ უფრო მეტი გახდება ცნობილი.
