უახლოეს მომავალში თეთრი სახლის ხელმძღვანელი ჯო ბაიდენი გამოაცხადებს, რომ აშშ კორონავირუსის საწინააღმდეგო ვაქცინების დამატებით ნახევარ მილიარდ დოზას მიაწვდის ქვეყნებს, რომლებსაც ეს სჭირდება. ამის შესახებ თეთრი სახლის წარმომადგენელმა განაცხადა.
”პრეზიდენტი ბაიდენი გამოაცხადებს, რომ აშშ Pfizer–ის ვაქცინის დამატებით 500 მილიონ დოზას ყიდულობს, რათა მსოფლიოს დაბალი და საშუალო შემოსავლის მქონე ქვეყნებს შესწიროს”, - განაცხადა ადმინისტრაციის წარმომადგენელმა.
მან ხაზი გაუსვა, რომ ნახევარი მილიარდი ვაქცინა ამერიკის შეერთებულ შტატებში დამზადდება და გადაზიდვა იანვარში დაიწყება.
ამრიგად, მსოფლიოში უკვე მოწოდებული ვაქცინების 500 მილიონ უფასო დოზასთან ერთად, ამერიკის შეერთებული შტატები სხვა ქვეყნებს ვაქცინაციისთვის სრულიად უფასოდ ჯამში 1,1 მილიარდ დოზას გადასცემს.
