ამერიკის შეერთებულმა შტატებმა განაცხადა, რომ ქვეყნის ფარგლებს გარეთ "დაუსრულებელ ომებში " მონაწილეობას აღარ მიიღებს. ამის შესახებ ქვეყნის ეროვნული უსაფრთხოების დროებით სტრატეგიულ სახელმძღვანელოშია ნათქვამი. დოკუმენტი თეთრი სახლის საიტზეა განთავსებული.
"ჩვენ ვიმუშავებთ, რომ პასუხისმგებლობით დავამთავროთ აშშ-ს გრძელვადიანი ომი ავღანეთში, უზრუნველვყოთ, რომ ავღანეთი აღარ გახდეს უსაფრთხო თავშესაფარი ტერორისტებისთვის, რომლებიც ჩვენს ქვეყანას თავს ესხმიან, ”- ნათქვამია დოკუმენტში.
ამის პარალელურად, მოწინააღმდეგის შეკავებისა და საკუთარი ინტერესების დაცვის მიზნით, ვაშინგტონი, პარტნიორებთან თანამშრომლობით, ევროპისა და ინდო-წყნარი ოკეანის რეგიონში ამერიკელი სამხედროების ყოფნას გააძლიერებს.
სახელმწიფო მდივნის ენტონი ბლინკენის თქმით, პრეზიდენტ ჯო ბაიდენის ადმინისტრაცია ასევე პარტნიორებს დემოკრატიული ცვლილებებისთვის დააჯილდოებს.