აშშ-ის შტატ ვერმონტში, სადაც მოსახლეობის 80% კორონავირუსის წინააღმდეგ ვაქცინირებულია, COVID-19-თან დაკავშირებული ყველა შეზღუდვის მოხსნა გადაწყვიტეს. ინფორმაციას ამის შესახებ The Associated Press ავრცელებს.
ოფიციალური მონაცემებით, ვერმონტის სრულწლოვანი მოსახლეობის 81,1%-ს ვაქცინის, სულ მცირე, ერთი დოზა მაინც აქვთ მიღებული.
"ამ შტატმა მსოფლიოს აჩვენა, რისი მიღწევაა შესაძლებელი, როდესაც არის ადამიანთა ჯგუფი სწორი დამოკიდებულებით, რომელიც მონაცემებს აკვირდება და სამედიცინო მეცნიერებას ენდობა", - განაცხადა შტატის გუბერნატორმა, ფილ სკოტმა.