შეერთებულ შტატებში დაიჭირეს თევზი, რომელსაც ადამიანისნაირი კბილები აქვს. ამის შესახებ BBC წერს.
თევზის ფოტო ფეისბუქზე ადგილობრივმა მეთევზეთა გვერდმა Jennette's Pier-მა გაავრცელა.
მეთევზე ნათან მარტინმა აღნიშნა, რომ მას დიდი ხანია დაკბილული თევზის დაჭერა უნდოდა, მაგრამ არ მოელოდა, რომ ამდენი კბილი ექნებოდა.
როგორც ფოტოებზეც ჩანს, თევზის კბილები ადამიანის თანკბილვასაც მნიშვნელოვნად ჰგავს. მას ცხვრისთავა თევზს უწოდებენ. იგი ცხოვრობს ჩრდილოეთ ამერიკის წყლებში, კეიპ კოდიდან და მასაჩუსეტსიდან ფლორიდამდე და მექსიკის ყურედან ბრაზილიამდე.
