ამერიკულმა არტ ჯგუფმა The Most Famous Artist-მა ინსტაგრამის ოფიციალურ გვერდზე განაცხადა, რომ იდუმალი მონოლითი, რომელიც აშშ-ში იუტას შტატში გამოჩნდა სწორედ მან დააინსტალირა.
უფრო მეტიც, ჯგუფმა Instagram-ზე გამოაქვეყნა ორი ფოტო, რომელზეც მონოლითის შექმნის პროცესია ასახული.
მონოლითის შეძენა 45 000 აშშ დოლარად არის შესაძლებელი.
ცნობისთვის, ლითონის სამი ბრტყელი ფირფიტისგან შემდგარი მონოლითი, რომელსაც პრიზმის ფორმა აქვს, დაახლოებით 3-4 მეტრის სიმაღლისაა, პირველად აშშ-ში, იუტას უდაბნოში ნოემბრის ბოლოს გამოჩნდა. უჩვეულო ობიექტი ველური ბუნების ოფიციალურმა წარმომადგენლებმა შენიშნეს. რამდენიმე დღეში მეტალის ობიექტი გაქრა და შემდეგ ის რუმინეთში გამოჩნდა.
