აშშ-ში ბოლო 24 საათში კორონავირუსით ინფიცირების რეკორდულად მაღალი - 227 885 ახალი შემთხვევა დაფიქსირდა. უკვე მეორე დღეა აშშ-ში ინფიცირებულთა რაოდენობა რეკორდულად იზრდება.
კორონავირუსით აშშ-ში, გასული დღე-ღამის განმავლობაში, 2 607 ადამიანი გარდაიცვალა. მანამდე დღე-ღამეში ინფიცირების ყველაზე მაღალი მაჩვენებელი - 217 000 შემთხვევა - 4 დეკემბერს გამოვლინდა.
აშშ-ში პანდემიის გავრცელებიდან დღიდან კორონავირუსი 14,3 მილიონ ადამიანს დაუდგინდა. გარდაიცვალა 279 000 ადამიანი. გამოჯანმრთელებულთა რიცხვმა 5 მილიონს გადააჭარბა.
ჯონ ჰოპკინსის ინსტიტუტის მონაცემებით, მსოფლიოში კორონავირუსით ამ დრომდე 66 მილიონი ადამიანი დაინფიცირდა.