აშშ-ში COVID-19-ის შემთხვევები რეკორდულად იზრდება, გასული 24 საათის განმავლობაში კორონავირუსის 45 242 ახალი შემთხვევა დაფიქსირდა. ამის შესახებ BBC იუწყება.
ჯონ ჰოპკინსის უნივერსიტეტის მონაცემების თანახმად, COVID-19-ით გარდაცვლილი პაციენტთა რაოდენობა 125 ათასს აჭარბებს. აშშ–ში ეპიდემიის გავრცელებიდან დღემდე, მთელი პერიოდის განმავლობაში დაფიქსირდა ინფიცირების 2 467 510 შემთხვევა, გამოჯანმრთელებულია 663 ათასზე მეტი ადამიანი.
ინფიცირების ყველაზე მეტი შემთხვევა ნიუ-იორკის, არიზონის, ჯორჯიის, კალიფორნიის, ტეხასისა და ფლორიდის შტატებში ფიქსირდება.
მსოფლიოში ინფექციების რაოდენობამ 9,4 მილიონს გადააჭარბა, გარდაიცვალა 484 ათასზე მეტი ადამიანი.
