აშშ-ში, ჯონ ჰოპკინსის უნივერსიტეტის მონაცემებით, ბოლო 24 საათში 978 ადამიანი დაიღუპა. შტატებში დაღუპულთა საერთო რაოდენობამ 24,618-ს მიაღწია.
განსაკუთრებით რთული მდგომარეობაა ნიუ იორკში, სადაც 10,834 ადამიანი გარდაიცვალა.
აშშ კორონავირუსით ინფიცირებულთა რაოდენობითაც გლობალური ლიდერია, ქვეყანაში კორონავირუსი სულ 591,285 ადამიანს დაუდასტურდა, მათ შორის ინფიცირების 4,344 ახალი შემთხვევა გამოვლინდა გასული დღე-ღამის განმავლობაში. გამოჯანმრთელდა 37,449 პაციენტი.
შეერთებული შტატები, როგორც COVID19-ით ინფიცირებულთა, ასევე გარდაცვლილთა რაოდენობით მსოფლიოში პირველ ადგილზეა.
