აშშ-ში კორონავირუსზე ვაქცინაცია 66 მილიონზე მეტ ადამიანს, მოსახლეობის დაახლოებით 20%-ს ჩაუტარდა. ამის შესახებ აშშ-ის დაავადებათა კონტროლისა და პრევენციის ცენტრში განაცხადეს.
ამასთან, 35 მილიონზე მეტმა ადამიანმა (10.5%) უკვე ვაქცინის მეორე დოზაც მიიღო.
შეერთებულ შტატებს კორონავირუსის სულ 133,3 მლნ. დოზა გადაეცა, აქედან 101 მილიონზე მეტი ინექცია უკვე გაკეთდა.
აშშ-ის პრეზიდენტმა, ჯო ბაიდენმა პირობა დადო. რომ მარტის ბოლომდე ვაქცინირებულთა რაოდენობა 100 მილიონს მიაღწევს.
შეერთებულ შტატებში მოსახლეობის ვაქცინაციისათვის Pfizer-ის, Moderna-სა და Johnson&Johnson-ის ვაქცინებს იყენებენ.