აშშ-ის საკვებისა და მედიკამენტების ასოციაციამ (FDA) კომპანია Johnson & Johnson-ის მიერ წარმოებული COVID-19-ის საწინააღმდეგო ვაქცინის გადაუდებელ შემთხვევებში გამოყენების ნებართვა გასცა. ამის შესახებ CNN წერს.
ამჟამად, შეერთებულ შტატებში მოსახლეობას კორონავირუსზე სამი ვაქცინით ცრიან, კერძოდ Moderna-ის, Pfizer/BionTech-ისა და Johnson & Johnson-ის მიერ შემუშავებული პრეპარატებით.
აშშ-ში აქამდე დამტკიცებული ვაქცინებისგან განსხვავებით, Johnson & Johnson ვექტორული ვაქცინაა. ამას გარდა, სხვა ვაქცინებისგან განსხვავებით, ასაცრელად Johnson & Johnson-ის ვაქცინის მხოლოდ ერთი ინექციაა საჭირო.
Johnson & Johnson მარტის ბოლომდე ვაქცინის 20 მილიონი დოზის წარმოებას გეგმავს, ხოლო ივნისის ბოლოს ინექციების რაოდენობა 100 მილიონამდე გაიზრდება.
