მსოფლიოში უმსხვილესი ხორცის მწარმოებლის ამერიკულმა განყოფილებამ JBS USA კიბერთავდასხმის გამო მუშაობა შეაჩერა. ინფორმაციას ამის შესახებ სააგენტო Bloomberg ავრცელებს.
კომპანიის განცხადებაში აღნიშნულია, რომ ანალოგიური პრობლემა ავსტრალიის განყოფილებაშიც დაფიქსირდა.
JBS USA-მ ჯერ არ იცის, მოხვდა თუ არა ჰაკერების ხელში კლიენტების, თანამშრომლებისა და მიმწოდებლების მონაცემები. სპეციალისტების თქმით, ინციდენტი, შესაძლოა, გარკვეულ ტრანზაქციებზე აისახოს.
JBS Foods-ის ავსტრალიურ განყოფილებაში განაცხადეს, რომ კიბერთავდასხმის სამიზნე კომპანიის საინფორმაციო სისტემები იყო.
ჯერჯერობით უცნობია, ვინ დგას თავდასხმის უკან.
