აშშ-ის დაავადებათა კონტროლისა და პრევენციის ცენტრის რეკომენდაციით, მწეველებს კორონავირუსზე ვაქცინაცია არამწეველებზე ადრე უნდა ჩაუტარდეთ. ამის შესახებ CNN წერს.
ფედერალური სახელმძღვანელო მითითებების თანახმად, 65 წლამდე მწეველები COVID-19-ის მაღალი რისკის ჯგუფში შედიან, ამიტომ რეკომენდირებულია, თუ ისინი ვაქცინაციის საწყის ფაზაში აიცრებიან.
აშშ-ის დაავადებათა კონტროლისა და პრევენციის ცენტრის იმუნიზაციის პრაქტიკის მრჩეველთა კომიტეტის რეკომენდაციით, მწეველებს ვაქცინაცია 1C ფაზაში უნდა ჩაუტარდეთ. თუმცა, აღნიშნულ საკითხს თითოული შტატი დამოუკიდებლად გადაწყვეტს.
აღნიშნული რეკომენდაცია უკვე ამოქმედდა ნიუ-ჯერსისა და მისისიპის შტატში.
ცნობისთვის, 1C ფაზა მოიცავს 65-74 წლის ასაკის პირებს, ასევე 16-64 წლის ასაკის ადამიანებს, რომლებსაც სხვადასხვა სახის ქრონიკული დაავადებები აღენიშნებათ. 1A ფაზა მოიცავს ჯანდაცვის მუშაკებსა. ხოლო 1B ფაზა მოიცავს 75 წელს გადაცილებულ პირებს.
CDC-ის აღნიშნულმა რეკომენდაციამ და მწეველთათვის პრიორიტეტის მინიჭებამ სხვადასხვა სფეროს მუშაკთა უკმაყოფილება გამოიწვია.
