აშშ-ის ოკლაჰომას შტატში ლეკვი 6 თათითა და 2 კუდით დაიბადა. ამის შესახებ ინფორმაციას CNN ავრცელებს.
ლეკვი ბორდერ-კოლის და ავსტრალიური ნაგაზის მეტისია. ვეტერინარების თქმით, ლეკვი 8 და-ძმასთან ერტად ძლიერი ქარბუქის დროს დაიბადა. ის კლინიკაში სტიქიის შემდეგ მიიყვანეს.
"ლეკვს ერთი თავი, ორი რეპროდუქტიული სისტემა, ორი კუდი და ექვსი თათი აქვს", - განაცხადეს ვეტერინარებმა.
მიუხედავად ამისა, ცხოველის ორგანოების მდგომარეობა შესანიშნავია. ყველა თათი მოძრაობს და რეაგირებს. ექიმების თქმით, ლეკვს დამატებითი ფიზიოთერაპია დასჭირდება.