აშშ-ის ფინანსთა სამინისტრომ ტრანსნაციონალურ დანაშაულებრივ ორგანიზაციად გამოაცხადა პაკისტანური ტურისტული სააგენტო, რომელიც ქალაქ ნაუშერაში მდებარეობს. ამის შესახებ გაზეთი Dawn წერს.
სამინისტრო განცხადებაში აღნიშნულია, რომ მის ლიდერს, აბიდ ალი ხანს და მის სამ თანამზრახველს დანაშაულებრივ საქმიანობაში ადანაშაულებენ - "შეერთებულ შტატებსა და სხვა ქვეყნებში უცხო ქვეყნის მოქალაქეების შემოყვანა".
უწყების ცნობით, აშშ-ში უკანონოდ შემოყვანილ პირებს შორის არიან "უცხო ქვეყნის მოქალაქეები, რომლებიც, შესაძლოა, საფრთხეს უქმნიდნენ შეერთებული შტატების ეროვნულ უსაფრთხოებას ან მის ინტერესებს".
სამართალდამცავი ორგანოების ინფორმაციით, ამ მიზნით სააგენტო ლათინური ამერიკის გავლით სხვადასხვა ტურისტულ მარშრუტს სულ მცირე 2015 წლიდან იყენებდა.
გაზეთით ნათქვამია, რომ ადამიანის კონტრაბანდა არის მომგებიანი ბიზნესი, რომელსაც წელიწადში 350 მილიონი დოლარი შემოაქვს.
აბიდ ალი ხანის სააგენტო აშშ-ში გადასვლის მსურველებისგან საშუალოდ 20 000 აშშ აშშ დოლარს იღებდა.
