შეერთებულ შტატებში მომიტინგეები ქალაქ სიეტლის და პორტლენდის პოლიციის განყოფილებებს თავს დაესხნენ. ამის შესახებ Fox News იუწყება.
მისი თქმით, დემონსტრანტთა ჯგუფმა შენობის ფანჯრები ჩაამსხვრია და განყოფილებაში შესვლას შეეცადა. პოლიციამ თავდამსხმელები დააკავა.
გამოცემა აღნიშნავს, რომ პორტლენდში გასულ ღამით, მომიტინგეებმა პოლიციელებს ცეცხლი გაუხსნეს და შეტაკების პროვოცირება მოახდინეს.
შეგახსენებთ, სიეტლის ცენტრალურ ნაწილში დემონსტრანტებმა კარვები დადგეს და ტერიტორია ე.წ. "ავტონომიური ზონად" გამოაცხადეს. ხელისუფლების გადაწყვეტილებით, დაძაბულობის შემცირების მიზნით მომიტინგეებს ტერიტორიის დაკავების უფლება მიეცათ. შეკრებილები ქალაქის პოლიციის დაშლასა და ფერადკანიანთა უფლებების დაცვას მოითხოვდნენ.
თუმცა, მას შემდეგ, რაც სამართალდამცავებმა ქალაქის ცენტრში სროლის შესახებ ინფორაცია მიიღეს, სიეტლის მერმა ორშაბათს გამოაცხადა "ავტონომიური ზონის" გაუქმება, რის შემდეგაც ტერიტორია პოლიციელებმა დაიკავეს.
აშშ-ს პრეზიდენტმა დონალდ ტრამპმა არაერთხელ უწოდა სიეტლის დემონსტრანტებს ანარქისტები და ტერორისტები. მან ასევე გააკრიტიკა სიეტლის მერი და ვაშინგტონის გუბერნატორი უმოქმედობის გამო. 11 ივნისს Fox News–თან ინტერვიუში თეთრი სახლის ხელმძღვანელმა თქვა, რომ სიეტლში წესრიგის აღდგენა შესაძლებელია მხოლოდ აშშ-ს ეროვნული გვარდიის მონაწილეობით.
JUST IN: Tense moments outside Seattle PDâs West Precinct tonight, where mob of angry protesters broke one of the precinct's windows with a rock. Our cameras were rolling as several officers rushed out of the precinct as protesters converged on the entrance. No officers hurt. pic.twitter.com/GJxnmph3ZV
— Preston Phillips (@PrestonTVNews) June 27, 2020
