აშშ-ის დაავადებათა კონტროლისა და პრევენციის ფედერალურმა ცენტრმა (CDC) 12-დან 15 წლამდე მოზარდებისთვის Pfizer-ისა და BioNTech-ის, კორონავირუსის საწინააღმდეგო ვაქცინის ე.წ. ბუსტერების გამოყენებას მხარი დაუჭირა. Report.ge-ს ცნობით, განცხადება CDC-ის ვებგვერდზეა გამოქვეყნებული.
მანამდე რევაქცინაციის რეკომენდაცია მხოლოდ 16-17 წლის მოზარდებისთვის იყო გაცემული.
"CDC რეკომენდაციას უწევს, რომ 12-17 წლის მოზარდებმა ბუსტერი Pfizer/BioNTech-ის ვაქცინის პირველი დოზის მიღებიდან ხუთი თვის შემდეგ მიიღონ", - განაცხადეს უწყებაში.
CDC-ის მონაცემები აჩვენებს, რომ COVID-19-ის საწინააღმდეგო ვაქცინების "ბუსტერები" შტამ "ომიკრონისგან" და SARS-CoV-2-ის სხვა ვარიანტებისგან დაცვის გაზრდას უწყობს ხელს.
ეს დასკვნა აშშ-ის ცენტრებმა მოზარდებში ვაქცინის 25 მილიონზე მეტი დოზის გამოყენების შემდეგ გააკეთეს.
