აშშ-ს ჯანდაცვის მარეგულირებლებმა კომპანია Pfizer-ის კორონავირუსის საწინააღმდეგო აბების, Paxlovid-ის გამოშვებისა და გამოყენების ნებართვა გასცეს. Report.ge-ს ცნობით, ინფორმაციას Associated Press ავრცელებს.
ამგვარად, Paxlovid ჯერჯერობით COVID-19-ის ადრეულ ეტაპზე მკურნალობის ყველაზე სწრაფი საშუალებაა.
აშშ-ისა სურსათისა და წამლების ადმინისტრაციამ (FDA) აბების გამოყენების ნებართვა ზრდასრულებსა და 12 წელზე უფროსი ასაკის ბავშვებში გასცა, ვისაც ადრეული სიმპტომები აღენიშნება.
ამასთან, აშშ-ის მთავრობა გეგმავს, Paxlovid-ის იმდენი დოზა შეიძინოს, რაც 10 მილიონ ადამიანს ეყოფა და პაციენტებს პრეპარატს უფასოდ გადასცემს.
მძიმე ინფექციების განვითარების რისკის მქონე პაციენტებს ურჩევენ, Paxlovid-ის ხუთდღიანი კურსი რაც შეიძლება მალე, დიაგნოზის დასმისთანავე ან სიმპტომების გამოვლენიდან 5 დღის განმავლობაში დაიწყონ. ამასთან, წამალი აღარ ინიშნება, როდესაც უკვე დამატებითი ჟანგბადია საჭიროა.
ამ კვირაში გამოქვეყნებულმა მონაცემებმა აჩვენა, რომ Pfizer-ის ტაბლეტები მაღალი რისკის მქონე პაციენტებში ჰოსპიტალიზაციისა და სიკვდილის პრევენციის კუთხით თითქმის 90%-ით ეფექტური იყო, ხოლო ბოლო ლაბორატორიული მონაცემები აჩვენებს, რომ პრეპარატი კორონავირუსის ახალი, სწრაფად გავრცელებული შტამის, "ომიკრონის" წინააღმდეგ ეფექტურია.
ცნობისთვის, ბოლო კვლევების თანახმად, კორონავირუსის საწინააღმდეგო ექსპერიმენტული აბი, რომელიც Pfizer-მა შექმნა, ჰოსპიტალიზაციის ან სიკვდილის რისკს 89%-ით ამცირებს. Pfizer იმედოვნებს, რომ საბოლოოდ შეძლებს, შესთავაზოს აბი სახელწოდებით Paxlovid, რათა ადამიანებმა მისი გამოყენება სახლის პირობებში შეძლონ.