აშშ-ში, აიდაჰოს შტატში, აქციის მონაწილეებმა პროტესტის ნიშნად სამედიცინო პირბადეები დაწვეს. ამის შესახებ ტელეკომპანია ABC News იუწყება.
გამოცემის ცნობით, 6 მარტს გამართულ აქციაში მონაწილეობა რამდენიმე ასეულმა ადამიანმა მიიღო, მათ შორის არასრულწლოვნებმაც.
მომიტინგეები ადგილობრივ ხელისუფლებას სამედიცინო პირბადეების სავალდებულო ტარების წესის გაუქმების მოთხოვნით მიმართავდნენ. პირბადეების ტარება აშშ-ის 7 შტატშია სავალდებულო.
სოციალურ ქსელში ვიდეოები გავრცელდა, რომელზეც ნათლად ჩანს, რომ დემონსტრანტები ნიღბებს ცეცხლმოკიდებულ კასრში ისვრიან.
