აშშ-ში, 17 ოქტომბერს, პრეზიდენტ დონალდ ტრამპის წინააღმდეგ მიმართულ საპროტესტო აქციას რამდენიმე ათასი ადამიანი დაესწრო. ამის შესახებ საინფორმაციო გამოცემა DW წერს.
ორგანიზატორების განცხადებით, საპროტესტო აქცია აშშ-ის ყველა შტატში ჩატარდა. მათი შეფასებით, მონაწილეთა საერთო რაოდენობამ 100 ათას ადამიანს გადააჭარბა.
მსვლელობა ქვეყნის დედაქალაქ ვაშინგტონში დაიწყო, რის შემდეგაც მომიტინგეებმა კაპიტოლიუმისა და უზენაესი სასამართლოსკენ გადაინაცვლეს.
დემონსტრანტები პრეზიდენტის მიერ უზენაესი სასამართლოს მოსამართლეობის კანდიდატად, კონსერვატიული იდეოლოგიის მატარებელი, ემი კონი ბარეტის წარდგენას აპროტესტებდნენ.
თუ სენატორები დონალდ ტრამპის მიერ წარდგენილ კანდიდატს დაამტკიცებენ, მოსამართლე ბარეტი რუთ ბეიდერ გინსბურგს შეცვლის, რომელიც ახლახანს გარდაიცვალა.
