აშშ-ში, იუტას შტატში, სოლტ-ლეიკ-სიტის მახლობლად, ზვავის ჩამოწოლას ოთხი მოთხილამურე ემსხვერპლა. ამის შესახებ ტელეკომპანია ABC News ადგილობრივ სამართალდამცავ ორგანოებზე დაყრდნობით იუწყება.
პოლიციის სპიკერმა, მელოდი კატლერმა განმარტა, რომ კიდევ ოთხმა ადამიანმა გაქცევა მოასწრო და მათ მსუბუქი დაზიანებები აღენიშნებათ.
ინციდენტამდე ცოტა ხნით ადრე, ადგილობრივმა ხელისუფლებამ ზვავსაშიშროების შესახებ გაფრთხილება გამოსცა, მას შემდეგ,რაც იანვარში, იმავე ტერიტორიაზე სრიალის დროს ორი ადამიანი გარდაიცვალა.
